Hierdie is die eerste van ons maandelikse fotografie-nuusbriewe. Die Vereniging ondersteun fotografie-aktiwiteite as `n kragtige bewaringsinstrument wat op tak en individuele vlak beoefen kan word.
SA Jagters Fotografieklub
Die SA Jagters Fotografieklub is begin om fotografie in die Vereniging te bevorder. Die klub is oop vir alle lede van SA Jagters, asook familie en vriende wat die SA Jagters se belangstelling en waardes deel. Ons beplan `n verskeidenheid aktiwiteite soos uitstappies, uitdagings en opleiding. Die klub se Facebook-groep is reeds aan die gang en ons nooi almal uit om aan te sluit.
Ons gaan twee keer per maand aanlyn-sessies van twee-uur elk aanbied oor die verskillende aspekte van wild- en natuurlewefotografie wat lesings en groepbespreking (V&A) of `n kombinasie van beide sal insluit. Datums sal binnekort bekend gemaak word.
Kliek hier vir die skakel na die SA Jagters Fotografieklub Facebook-groep
Rig enige navrae aan sahuntphoto@gmail.com
Ons beplan ook `n foto- en natuurklub vir junior-lede. Meer inligting volg binnekort.
SA Jagters Fotokompetisie
Die SA Jagters Fotokompetisie het vir die eerste keer hierdie jaar goud toegeken aan twee lede. Baie geluk aan Tommy en Miekie Liverage wie se fotografie nuwe hoogtes bereik het. Baie geluk aan die ander deelnemers wat silwer, brons en hoogs prysenswaardige toekennings ontvang het. Kliek hier vir Mei-maand se toekennings.
Die kategorieë vir inskrywings is soos volg:
- Bewaring in aksie
- Plant- en dierelewe
- Ons kulturele erfenis
Kliek hier vir meer inligting
Inskrywings word gestuur na sahuntphoto@gmail.com met die volgende inligting:
- Naam en van
- SA Jagters-lidnommer
- Kontaktelefoonnommer
- Kategorie waaronder die foto ingeskryf is
- Titel of beskrywing van die foto
- Plek waar die foto geneem is
- Kamera en lens model of slimfoon model
Fotografie opleiding
Om fotografie verder binne die vereniging te bevorder, het die bestuur van SA Jagters die bekende natuurfotograwe Marette Bennett en Brett Stanleyvan Refined Edges Wildlife Photography and Training genader om hul kennis en strategie tot sukses met lede te deel in die vorm van werkswinkels. Tommy en Miekie Liversage het in Maart die fotografiekursus `n toetslopie gegee en was aangenaam verras. Die foto’s wat hulle daarna in die Kgalagadi geneem het, is uit die boonste rakke en van glanstydskrifgehalte.
Vanweë die derde vlaag Covid-19 wat op ons is, sal werkswinkels eers later in die jaar aangebied word omdat dit intensiewe interaksie en kontak vereis. Sodra die SA Covid-19 kurwe omdraai, sal ons nog datums bekend maak. Datums vir later in die jaar is vasgestel en die bestuur het ‘n aansienlike 25% afslag vir SA Jagters-lede beding. Die twee-dag werkswinkel kos R2800 vir lede en R3800 vir nie-lede. Dus is dit voordelig vir familie en vriende om aan te sluit by die Vereniging om hierdie voordeel te kan benut. Slegs agt mense word per werkswinkel toegelaat. Plek is dus beperk en belangstellendes moet vroegtydig bespreek om teleurstelling te voorkom. Takke wat groepbesprekings wil doen, kan Marette Bennett kontak by sahuntphoto@gmail.com SA Jagters-lede wat individuele private opleiding verkies, kom in aanmerking vir 15% korting op die gewone prys.
Kliek hier vir datums, pryse en meer inligting
Vriendelike Groete,
Marette Bennett
