Die Dokument vanaf Departement Omgewingsake wat vroeer die week gesirkuleer is, is deur baie jagters verkeerd geinterpreteer.
Volgens die amptelike regulasies wat betrekking het op jag vir vlak 3 soos die Departement Omgewing, Bosbou en Visserye op Vrydag, 5 Junie 2020 in die Staatskoerant gepubliseer is , is benuttingsjag toelaatbaar. Kliek hier.
Benuttingsjag se hoofdoel is die verkryging van wildsvleis vir eie gebruik.
Lede moet asseblief daarop let dat die regulasies slegs voorsiening maak vir jagters wat met die nodige dokumentasie oor provinsiale grense mag reis. Die regulasies maak nie voorsiening vir nie-jagters om oor grense te reis nie. Jagters wat vir eie gebruik wil gaan jag, mag dit slegs onder die volgende voorwaardes doen:
Ingevolge regulasie 33(4), is jag deel van wildlewebestuursdienste en mag jagters oor distrik-, metro- en provinsiale grense reis onderhewig aan gesondheidsprotokolle vir bv. die aantal persone per voertuig en die dra van maskers in openbare plekke. Die grondeienaar moet `n permit uitreik aan elke persoon wat vir die doel reis. Kliek hier
Die jagter is ook verantwoordelik vir die nodige provinsiale jaglisensies soos die onderskeie provinsies in hulle ordonnansies bepaal. Sien artikel hier vir meer duidelikheid daaroor.
Die jagter mag slegs oorslaap by die jagbestemming.
Die grondeienaar van die jagbestemming is verantwoordelik vir die handhawing van gesondheidsprotokolle soos wat die regulasies vereis bv. monitering van besoekers en personeel, voorsiening van ontsmettingmiddels en die deeglike skoonmaak van geriewe tussen jagte. Sien `n voorbeeld van die voorgestelde kontrolelys hier.
Vir diegene wat nog persoonlike beskermings toerusting benodig, sien hierdie katalogus en spesiale aanbieding vir lede.
Die jagter mag die wildsvleis vanaf die jagbestemming na sy/haar huis vervoer met die nodige toestemmingsdokument kliek hier. Let wel, sekere provinsies vereis spesiale permitte vir die vervoer van wildevark vleis (vlakvark, bosvark). Grondeienaars wat op die SA Jagters se aanlynstelsel geregistreer is of die plaaslike staatsveearts kan hierdie permitte uitreik. Lees gerus meer hier
Lede kan self al die aangehegte dokumente aflaai en uitdruk soos nodig.
Ek doen dan ook `n beroep op alle jagters om die regulasies te respekteer en om verandwoordelik op te tree.
Groetnis
Boetie Kirchner
Bestuurder Jagsake
